انا متجوزه من ١٨سنه ،كان عمري وقتها ٢٠سنه

العوض الجميل
انا متجوزه من ١٨سنه كان عمري وقتها ٢٠سنه زوجي كان راجل على قد حاله بس الحمد لله بيكسب رزقه بالحلال
وامه ست طيبه وعنده ٥ اخوات بنات كانو ورا بعض
مطلوب منه يجهزهم ويجوزهم هو قالى كل دا من قبل ما نتجوز وانا وافقت وقولت له بالحرف هعيش معاكم والرزق على ربنا ونجهزهم سوا وعيشت معاهم في بيتهم لم نبني شقه علشان نوفر لاخواته البنات اتجوزنا في أوضته ويشهد ربنا كانو ونعم العيله والله حبوني اكتر من أهلى نفسهم وكرموني اكتر منهم ومش مبالغه حتى ابويا نفسه قالى كده وكان روحه فيهم

المهم. عدت سنتين ومفيش خلفه وهو بيجهز اخته والمصاريف علي الاد مقدرتش اقوله نكشف وتعدي السنين لحد ما كملنا ٦ سنين وكنا جوزنا ٣ بنات وباقى بنتين وهو خدني كشفنا والدكتور قالى انى عندي مشكله ومشي معايا بالعلاج ٤ سنين ما بين علاج واشاعات وكل دا عشان منلجأش للحقن وفلوسه الكتير علشان معناش

وجوزنا البنتين التانين بقا عمري ٢٨ سنه روحنا لدكاتره تاني وكله قال لازم العمليه. جوزي كان خلص من المصاريف بتاعه جواز اخواته وابويا عطاني ٢٠ ألف ربنا يباركلى فيه علشان اكمل واعمل العمليه وأخواته البنات الله يسعدهم كل واحده ساعدت باللى تقدر عليه يترد ليهم فى الفرح والهنا
ودخلنا جمعيه قبضناها الاول واتوكلنا علي الله روحنا مركز عملنا العمليه وربنا كرمنا وحملت في توام والفرحه كانت واصله حدود المنطقه
القريب والغريب كان فرحان لينا اوى اوى وبيدعيلنا وجت ساعه الولاده الاطفال نزلو تعبانين ودخلو حضانه ١٠ ايام بالضبط
وتوفاهم الله والحمد لله جوزي جالى عشان يوصلى الخبر فبيقولى ماظنك برب العالمين قولت له رب كريم وظني به خير قالى وطبعا رب الخير لا يأتى إلا بالخير حتى لو !لمنا صح قولت صح قالى استودعيه اطفالنا ولعله خير يا حبيبتى
لاقيت نفسي ببكى من غير صوت وبقوله طيب ممكن احضنهم خدنى وروحت ليهم حضنتهم وقولت ليهم انا صابره على البعد بس وانتو في الجنه خدوني معاكم قولوا لربنا عاوزين ماما كانت ريحتهم حلوه 
روحنا وكل تفكيري ان خلاص مفيش تاني لان مبقاش معانا وفوضت امري لله وبقيت كل صلاتى ادعى لولادى بالرحمه ولزوجى ان ربنا يسعده لحد ما جه يوم قولت لزوجى يتجوز والشقه اللى فوق نبنيها براحه كده واتجوز فيها رفض وزعل منى وقالى انتى عندى بالدنيا وربنا يقدرنا وهعملك العمليه تانى بس اصبري عليا وادعى ربنا يرزقنا فرحت من جوايا لانى فكره انه يتجوز بنت غيري ممېته
عدى سنه كلها تعبد وعيشه هاديه وزوجى سبحان الله كان عليه هدوء ورضا بقضاء الله ربنا يسعده دنيا واخره ويراضيه.
عدت السنه دى وكنت قاعده مع حماتي بمشط لحماتي شعرها وقاعدين نهزر وبقولها ياماما انا