حماتى وبناتى التوأم
انت في الصفحة 1 من 8 صفحات
حماتي دفنت بناتي
وقبل ما بدا حكايتي اعرفكم بنفسي انا أسمي يام عندي 28 سنه متجوزة وعايشة مع حماتي وسلفتي وجوزي بيسافر دايما وبيرجع اجازة ويسافر تاني
وفي يوم حماتي قالت
الحما
بت ياهيام جوزك راجع الاسبوع الجاي اهو انا عايزة الاجازة دي مش يمشي من هنا غير وانتي حامل انتي عارفه لو محملتيش وجبتي لي الواد اللي نفسي فيه انتي حره انا عرفتك اهو
وهو انا بأيدي ياحماتي يعني وبعدين انا يعتبر لسه متجوزة ابنك هو نزل الاجازة اللي فاتت اتجوزني ورجع سافر اعمل انا ايه بقا
الحما
تتجدعني ياحبيبتي المرة دي وتحملي قبل ماهو يسافر انا عايزاة يسيبك المره دي وانتي حامل في الواد انا ياختي عايزه افرح ب ابني
ويكون ليه عيل من صلبه
هيام
كله علي الله يا حماتي انا طالعه شقتي
الحما
اذنك معاكي يا حبيبتي مش عارفه
اي بنات اخر زمن دول الواحده فينا
كانت بتتجوز من هنا وبعدها
بشهر تكون حامل من هنا وكل
ما نكلم واحده في الزمن ده تقول
هو ب ايدي لما اشوف اخرتها معاكي ياختي
وطلعت شقتي واتصلت باختي نعمة اللي بتشتغل ممرضة في مستشفى وقولت لها
ايوه يا نعمة عامله ايه يا حبيبتي
معلش رنيتي عليا
كنت عند حماتي تحت والتليفون كان
في الشقه هنا
نعمة
انا الحمد لله ياهيام بخير طمنيني عليكي انتي ومال صوتك كده انتي كنتي بټعيطي ولا ايه اكيد العقربة حماتك هي اللي زعلتك
هيام
حماتي مش مبطلة زن في موضوع الخلفه ده كل شوية تقولي لازم تحملي وتجيبي الواد زي سلفتك وخلتني کرهت نفسي
طيب انتي هتخلفي ازاى وجوزك مسافر ياختي ايه باللاسلكي هي الوليه دي ايه مابتفهمش خالص ولا ايه
هيام
اذا كان على جوزي فا جوزي راجع الاسبوع الجاي وهي بقا مصممة اني الاجازة دي اعمل منه وانا بصراحة مش عارفه اعمل ايه انا زهقت خالص يانعمة بجد
نعمة
طيب اسمعي انا في واحده صاحبتي بتشتغل ممرضة في عيادة دكتور أمراض نسا وتوليد انا هكلمها تكلم الدكتور يشوف لك حاجة تعمل لك تنشيط على بال جوزك ما يرجع بالسلامة
طيب ده كويس جدا يا نعمة قوليلي لها وخودي لينا ميعاد عند الدكتور بتاعها ده ونروح له انا وانتي حتى من غير حماتي ما تحس
لاحسن متعرفيش هي ممكن تعمل فيا اي
نعمة
خلاص ياهيام سيبي الموضوع ده عليا انا وانا هحل لك كل ده مع حماتك واخليها تحط لسانها جوه بوقها شوية بس الدور والباقي على ابنها بق
هيام
هي حاطه في دماغها أن طلما ابنها الكبير
خلف يبقي الصغير كده كمان معرفش
حماتي دي جايبه الأفكار دي منين
نعمة
طيب ياحبيبتي لما نشوف بقا ههههه يلا يابت انا هقفل دلوقتي وهبقي اكلمك بعدين يلا سلام
وقفلت مع نعمة اختي وحسيت انه هيبقا في امل اني اخلف من عماد لما يرجع وامه تبطل كل شوية تتكلم في الموضوع ده
وعدت الايام وفي يوم عماد اتصل بيا وقالي
عماد
وحشتيني ياهيومة اوي عاملة ايه مع امي اوعي تكوني مزعلاها لاحسن عالطول بحس
ان نبره صوتها كده مش مريحاني
هيام
انا برضو اللي مزعلاها ياعماد هو انا اقدر ازعلها ياحبيبي ده انا قايدة لها صوابعي العشرة شمع هي امك قالت لك حاجة عني ولا ايه
عماد
لا مقالتش انا بس سمعت منها مره كده انك بتنامي لحد الضهر وبتنزلي لها متأخرة وتعملي الاكل
