انا عايشه انا وجوزي وابني الوحيد في قريه

انت رايح فيناقف يا محمود 
محمود كان وصل عند شريط القطر وهنا هو وقف 
كان واقف علي شريط القطار وانا سامعه صفاره القطار بتعلن أن القطار هيعدي بعد أقل من دقيقه
قربت منه وقولتله أبعد عن شريط القطار يا ابني القطار هيعدي 
قالي انا ھموت نفسي علشان أبويا يرتاح 
قولتله بړعب لا يا محمود انت بتقول ايه!! انت عايز ټموتني بحسرتي عليك 
وقررت إني أدخل لشريط القطار علشان أبعده قبل القطار ما يوصل ويموته 
ولسه بأخد اول خطوه علشان أوصله لمحت في عين محمود نظره ڠضب ووشه كشړ وملامحه إتحولت لملامح مخيفه وفنفس الوقت لقيت إيد بتتحط على كتفي علشان تمنعني من الحركه 
إتخضيت ولفيت رقبتي علشان ألاقي الشيخ عدنان إمام المسجد هو اللي حط إيده علي كتفي 
وبيقولي أنتي رايحه فين يا أم محمود 
قولتله أبني ھيموت نفسه 
قالي فين ابنك ده 
قولتله أهووو واقف قدامك 
ولفيت رقبتي وبصيت ناحيه شريط القطار ولساني أتعقد لان أبني ماكنش موجود اټصدمت وقولت هو راح فين 
الشيخ عدنان قالي اللي كان قدامك ده مش ابنك ده كان شيطان رجيم وانا هطرده من القريه بإذن الله 
كنت مصدومه ومش عارف أنطق كلمه 
الشيخ عدنان كمل كلامه وقالي ارجعي بيتك وخليه دايما عمران بذكر الله وواظبي علي صلاتك اللي انتي اهملتيها من يوم غياب ابنك 
وعايزك تطمني ابنك موجود عند واحد صاحبه في القاهره والورقه دي فيها العنوان وإداني ورقه صغيره خدت الورقه وانا مذهوله ومش مصدقه اللي حصل الظلمه مخلتنيش أعرف اشوف ايه المكتوب ولاني مش بعرف اقرأ فالموضوع ماكنش هيفرق كتير
الشيخ عدنان وصلني لنص الطريق وقالي انه هيدخل المسجد علشان صلاه الفجر شكرته وكملت لوحدي بقيت الطريق لحد البيت وانا مش مدركه ولا مستوعبه حاجه من اللي حصلت دخلت بيتي وشغلت القران وصليت الفجر وحمدت ربنا أنه نجاني وقلبي أطمن لاني أخيرااا هعرف طريق أبني ولما النهار طلع طلبت من جارنا يقرألي العنوان اللي مكتوب في الورقه ولكن جارنا قالي أن المكتوب في الورقه مش عنوان المكتوب في الورقه كان جمله وأنا منا الصالحون 
مبقتش فاهمه حاجه بس أضيقت من الشيخ عدنان اللي أستغل اني مش بعرف اقرأ وإداني ورقه مفيهاش عنوان المكان اللي فيه أبني وروحت لحد بيته علشان أعاتبه 
وصلت لحد بيته وخبطت على الباب فتحت لي مراته ورحبت بيا سألتها علي الشيخ عدنان قالتلي أنه مسافر مصر من يومين 
قولتلها بإندهاش من يومين إزاي ده انا قابلته امبارح
الست حلفت أيمانات مغلظه أنه مسافر من يومين وجاي انهارده بالليل مبقتش مصدقه اللي انا سمعاه وبقيت في حيره ما بعدها حيره امال مين اللي انا قابلته ده !!
هو انا كنت بحلم ولا بتوهم بس الورقه دي مين اللي إدهالي 
روحت البيت وحكيت لجوزي علي كل القصه دي واللي ماكنش مصدق منها حرف