قصه بعد 20 عام زواج
انت في الصفحة 2 من صفحتين
اول مرة يتكلم معاها من بعد الاتفاق
قالت له ابدا دا مسكن مصدعة شوية
كمل قراية واعتذر عن الخروج فى اليوم ده
ولأول مرة مايبقاش متضايق او عايز الوقت يعدى
عدوا كمان 10 ايام
الو انا اسف مش هينفع نتقابل تانى
انا لازم اكون موجود فى البيت كل يوم
اخد اجازة لأنه كان نفسه يقضى يوم فى البيت
جه جواب بإسم مراته
لقاه طلب عاجل من المستشفى بالاتصال بيهم للضرورة
اتصل بالمستشفى وكانت المفاجأة
هتعمل عملية استئصال الورم ولا لأ
الدكتور المعالج قدامه يومين ويسافر
كان بيسمع الكلام ده وشريط بيمر قدام عينيه
يومين ويسافر هم اليومين اللى فاضلين فى المهلة
الدوا ماكانش مسكن للصداع
دا كان مخدر عشان تقدر تتعايش مع الالم
رد عليهم وقال لهم انا بأكد الحجز وقفل معاهم
وقام يجرى على مراته ودموعه بتجرى قبله
وطى على ايديها وباسها حست بيه وصحيت
قامت من نومها مخضۏضة عليه مالك فيه ايه
قال لها
خبيتى عليا ليه انك عيانة
ازاى تختارى انك تعيشى الشهر المهلة بالطريقة دى
بدل ما تختارى انك تتعالجى
قالت له
ايه فايدة انى اخف وافضل عايشة لوحدى
انت اصلك كنت واحشنى جدا
الشهر اللى عشته معاك كان احسن مكافأة نهاية خدمة ليا
قال لها
وحياة كل شعرة بيضا
طلعت فى راسك جوا بيتى
وحياة ولادى اللى ماحسيتش عمرى بتعب فى تربيتهم
عشان كنت سايبهم لك
وحياة سنين عمرك وشبابك اللى راحوا
وانتى ساكتة وعايشة عشان خاطر البيت والولاد
وحياة كل حباية مسكن اخدتيها وانا مش حاسس بتعبك
ربنا يمد فى عمرى بس عشان اعوضك اللى اخدته منك
خرجوا جرى ع المستشفى
خلصوا التحاليل والأشعات المطلوبة
والعملية اتعملت ونجحت
بس النجاح الأكبر
كان فى حياتهم اللى ابتدت بعد العملية
لو بيتك نضيف
وولادك متربيين كويس
لو هدومك نضيفة ومكوية
ودولابك ريحته حلوة
لو شراباتك موجودة فى مكانها
وكتبك مافيش عليها تراب
لو كل حاجة من حاجتك بتدور عليها وتلاقيها
وبتاكل الاكل اللى نفسك فيه
يبقى تأكد ان مافيش قوى خفية بتعمل كل ده
اللى بيعمل كدة مراتك
يابختك لو لسة عندك فرصة تراجع
نفسك
يا بختك لو قادر تاخد قرارك
انك تعيش ابوتك صح
يا بختك لو عرفت تفتح عينك عشان تشوف الحقيقة بوجهة نظر تانية
يابختك لو عرفت تعمل كل ده
صدقنى هتفرح اكتر
ممكن تصلي علي النبي
